GENERAL SANTOS CITY – Gipasakaan og kaso pinaagi sa inquest proceedings may kalabutan sa acts of lasciviousness ang ulitawo human nga iyang gikamang sa kwarto ang dalaga sa may Apopong ning miaging sayo sa buntag adlawng Dominggo.
Giila ang suspek sa pangalang Regie Eroy 21 anyos ulitaw og residente sa Purok 5 Sto. Niño sa nahisgutang barangay.
Nasayran nga gireklamo kini sa inahan sa iyang gikamang gitago lang sa pangalang alyas Tricia 17 anyos.
Sa pagpanubay sa imbestigasyon sa Women and Children Protection Desk sa Makar Police Station nangayo og tabang ang biktima sa kapolisan tungod gisulod matod pa siya sa suspek samtang siya anaa sa kwarto nga tulog og gihimas matod siya sa suspek sa iyang pribadong parte sa lawas.
Pagkahapon dihang gipahigayon ang follow up operation sa maong kaso nasakpan ang suspek nga gilayong gidala sa presinto aron mapreso.
For more info’s and updates, like and share our official facebook account : www.facebook.com/ifm91.9Gensanofficial/
