Davao City – Hilabihang bun-og ug samad sa nagkadaiyang parte sa lawas ang naangkon sa usa ka ulitawo human gitabangan og kulata ug gibunalan og botilya alas 11:00 sa gabie sa usa ka imnanan nahimutang sa may Illustre St. syudad sa Davao.
Sa report gikan sa San Pedro PNP naila ang biktima nga mao si Roy Tanio, 19 anyos nagpuyo sa Forest Lake, Ma-a syudad sa Davao.
Matud pa samtang ang biktima anaa sa usa ka videoke bar kalit kini giduol sa tulo ka mga wala mailhing suspek dayon gitabangan ug kulata human niini ang biktima abtik usab nakadagan palayo sa maong lugar ug midangop sa kapulisan.
Gituohan sa biktima nga natripan lamang kini sa tulo ka mga suspek nga hubog.
RadyoMaN Don Pulayao
Facebook Comments
