Davao City – Wala na maka selebrar sa pagsugat sa Pasko ang usa ka laborer human dunggaba sa iyang silingan nga naghuramintado alas-10:00 sa kagabhion.
Sa blotter sa Tugbok PNP, ang biktima mao si Jimboy Pana, 23 anyos, ulitawo, nagpuyo sa Purok 20, Barangay Los Amigos, Davao City, kansang gidunggab sa suspek nga si Jerome Pagunan nagpuyo sa nahisgutang barangay.
Sa imbestigasyon sa Homicide section naghuramintado ang suspek ug gipanggukod ang iyang mga silingan samtang bitbit ang kutsilyo.
Ang biktima wala makabantay nga nagbarog sa daplin sa karsada maoy naabtan sa suspek ug gidunggab sa kilid nga bahin sa ikaduha nga higayon.
Misibat gilayon ang suspek padulong sa wala matino nga direksyon samtang ang biktima gidala sa Isaac Robello Hospital apan gidali kini pagbalhin sa Southern Philippines Medical Center (SPMC) tungod sa seryoso nga sitwasyon.
Kapulisan naghimo na og manhunt operation batok sa suspetsado.
RadyoMaN Erin Lumosbog
