Molave, Zamboanga del Sur -Gapa-alim karon ang ospital ang 20 anyos nga ulitawo human kining giluba sa kainom alas 9:20 kagabii sa Lower Dimorok, Molave, Zamboanga del Sur.
Giila ang biktima nga si Mauricio Mirafuentes Llavado Jr, 20-anyos ug lumulupyo sa maong lugar samtang nadakpan usab ang suspek nga nailang si Jethro Pilapil, 27-anyos nga karon gipaslak sa buhatan sa kapulisan sa lungsod sa Molave.
Sa inisyal nga imbetigasyon nasayran nga nag-inom ang biktima ug suspek sa Revilla’s Videoke apan dihang lango na sa ilimnon nga makahubog nisangko sa panaglalis nga miresulta sa pagpangluba.
Gi-aresto ang suspek pinaagi ni Patrolman June Paul Ramos sa kapitan Orlando Laniohan, sa Barangay Simata, Molave, Zamboanga del Sur samtang pasakay na unta kini sa jeep.
Padayon usab nga gitambalan sa mga doctor ang biktima.
