Davao City – Patay ang tigtaod og CCTV camera human nakuryentehan pasado alas-10:00 sa buntag.
Tungod sa kakusog sa boltahe sa kuryente sa lawas sa biktima nga si Rodolfo Redman, 24 anyos, ulitawo, ug taga-Tandag City, Surigao Del Sur, wala na kini kaabot nga buhi sa Southern Philippines Medical Center (SPMC).
Sa imbestigasyon sa Sasa PNP, nasuta nga nagtaod of CCTV camera ang biktima sa panimay ni Romena Watanabe sa usa ka subdivision sa may Sasa ning siyudad dihang aksidente kini nakahikap og livewire sa kisame.
Nadungog na lang sa tagbalay ang pagkirig ug pagtiyabaw sa biktima maong dali gisaka sa kisame sa duha ka pag-umangkon ni Romena ang biktima apan napaig na ang tibuok lawas nunot sa boltahe sa kuryente.
Daling makapangayo og tabang sa Central 911 Medic Team si Romena ug gisuwayan pa og salba ang biktima apan gideklara kini nga dead on arrival sa doktor nga miatender kaniya.
RadyoMaN Joel Viray
