Wala na matabang pa ang usa ka ulitawo human kini aksidenteng na kuryentehan sa linya sa Zaneco nga kung diin ang maong panghitabo maoy mitsa sa iyang wala damhang kamatayon.
Naila ang biktima nga si Carlo Truza alyas Plong-plong, 20 anyos, usa ka laborer ug residente sa may Purok 1, brgy. Matunoy, Gutalac, Zamboanga del norte.
Sa gihimong pakigsusi sa mga kapulisan sa maong lungsod nasayran nga nakuryentihan kini ug ang toong paa niini nagkumbitay sa live wire sa Zaneco nga naa nahimutang sa luyong bahin sa ilang panimalay.
Una ng gikabutyag ang maong biktima nagtrabho kini sa panimalay sa iyang igsuong babaye isip labor ug pagka gabie niadtong higayona mitambong kini sa birthday party ug nag inom-inom kini uban sa iyang mga barkada.
Human sa ilang lingaw-lingaw naka desisyon kini nga mo uli sakay sa iyang motorsiklo. Matod pa sa iyang apohan nga babaye giingnan niya nga dili na mo uli kay kay mo maneho pa ug motor unya hubog.
Dugang pa nga kasayuran gikan ni sa imbistigador PO1 Celbert T. Berjame nga migawas kini sa ilang panimalay ug miadto sa luyong bahin nga may gilay-on nga 200 metros ug didto aksidente kining nakuryentihan hinungdan nga gibawian kini sa iyang hinulamang kinabuhi.
