Davao City – Gipakusgan pa sa New Corella Municipal Police Station (MPS) ang kampanya batok iligal nga droga, diin bag-ohay lamang, nadakpan ang usa ka ulitawo atol sa buy-bust operation sa Purok 6, Poblacion, New Corella, Davao del Norte.
Sa report sa New Corella MPS, ang suspek giilang si alyas Natoy, hamtong, residente sa Barangay Mesaoy sa maong munisipalidad.
Positibong napalitan ang suspek og pinaugang dahoon sa marijuana ug didto narekober pa ang laing sachet sa marijuana uban ang mga drug paraphernalia.
Gikustodiya na sa New Corella MPS ang dinakpan nga mag-atubang sa kasong paglapas sa Republic Act 9165 (Comprehensive Dangerous Drugs Act of 2002).
Gipasalamatan sa kapulisan ang suporta sa katawhan pinaagi sa pag-report sa mga iligal nga binuhatan sa ilang palibot.
RadyoMaN Kirby Manzon
Facebook Comments
