Davao City – Arestado sa kapolisan sa Tugbok ang usa ka 18 anyos nga ulitawo human nasakpan nga nangawat og electric wire sulod sa usa ka panimalay.
Sa record sa Tugbok PNP, ang suspek naila nga si Dexter Bangilan Daugdaug, residente sa Prk. Nangka Tamugan, Marilog District ning siyudad.
Sumala pa nagpatabang sa kapolisan sa Tugbok ang usa ka Elmer Ajero Nabuya, 31 anyos, residente sa may Prk. 4 Rambutan, Tugbok ning syudad sa dihang iyang naaktuhang gisulod sa dalang bag sa suspek ang kapin 50 metros nga gitas-on sa electical wires nga mokantidad og kapin P2,000.
Naabtan sa kapolisan ang suspek ug narekober gikan sa possesion niini ang mga kinawat nga gamit.
Sa imbestigasyon sa kapolisan, ang suspek miagi sa usa ka bintana nga jealousy ug gipang tanggal niini mga blade dayon misulod sa maong balay.
Sa pagkakaron balhog na ang suspek sa buhatan sa Tugbok PNP.
RadyoMaN Paul Canono
