Davao City- Pirting pislata sa usa ka ulitawo human nalataan sa ten wheeler truck alas 2:30 sa kadlawon.
Dead on arrival sa SPMC si Jessie Abillar, 41 anyos, ulitawo ug taga-Bukidnon human naagian sa mga ligid sa truck.
Migawas sa imbestigasyon nga natulog ang biktima duol sa ligid sa truck sulod sa Legaspi Oil Compound Km. 9 Sasa 12:05 sa gabii.
Apan wala kini nabantayan sa mga drivers nga sila Rolando Aupe, Reynaldo Navares ug Felizardo Porsuelo, pulos trabahante sa maong kompanya.
Nabantayan lamang ang biktima dihang may misagunto sa mga ligid ug sa ilang pagsusi nakita na lamang nila ang biktima nga napisat.
Daling gidala sa SPMC ang biktima apan igo na lang kini gideklara nga dead on arrival sa miatindir nga doktor.
Kasong Reckless Imprudence Resulting to Homicide ang gipasaka nga kaso sa tulo.
RadyoMan Joel Viray
