Davao City – Gidunggab ang usa ka ulitawo alas 12:30 sa kadlawon didto sa may dalang Magallanes sakop sa Barangay 2-A siyudad sa Davao.
Sa report gikan sa San Pedro Pnp naila ang biktima nga usa ka John Cris Pamica, 20 anyos nagpuyo sa Purok 10 sakop nahisgutang barangay samtang ang mga suspetsado mao sila si Reymart Acal, 23 anyos nga taga Poblacion Tampakan, South Cotabato ug John Roven Salimbot, 20 anyos nga taga Daliao Toril ning siyudad.
Sumala pa, samtang naglakaw ang biktima sa nahisgutang lugar nakita niini ang gubot sa kalalakin-an nga gikalambigitan sa duha ka mga suspek.
Subay niini, kalit kini giduol sa suspek og gitabangan og kulata samtang ang usa ka suspek maoy midunggab kaduha ka higayon sa biktima resulta sa pagkaigo sa ubos nga bahin sa iyang dughan ug likod.
Abtik usab nakaresponde ang kapulisan ug gipangsikop ang duha ka mga suspek samtang daling gidala sa Southern Philippines Medical Center ang biktima diin padayon pa kining nagpaalim sa maong ospital.
RadyoMaN Don Pulayao
