Ulitawo nga nanion og armas sa pulis, gi-priso

San Pablo, Zamboanga del Sur – Gi-andam na sa kapulisan ang kaso nga paglapas sa RA 10591 or Iligal Position of Firearms and Ammunition Act batok sa ulitawo nga nanion og armas sa pulis bandang ala 1:50 kagahapon sa kaadlawon sa disco nga nahitabo didtung dapita sa Brgy. Daplayan, San Pablo, Zamboanga del Sur.
Giila sa kapulisan ang suspek nga si Edrazar Warren Dayanan Kapa, 35-anyos, ulitawo, residente sa Purok Uno B, Brgy. Guinicolalay, Dinas, Zamboanga del Sur.
Gitiunan sa calebre 45 nga pistola sa suspek ang pulis nga si PCPL. Mario Dela Cruz Oagdan, nga na-destino sa San Pablo Municipal Police Station.
Sumala sa imbestigasyon dunay kagubot matud pa gawas sa discohan atul sa kasaulugan sa ika-70 ka araw sa Brgy. Daplayan sa gawas sa discohan duna matud pay kagubot rason nga gikontrolar sa nagbantay’ng pulis nga PCPL. Mario Dela Cruz Oagdan.
Wala damha nga nibutho matud pa ang suspek nga si Kapa ug militok sa mga pulong nga ”Unsa mani.” dayun lanit sa armas nga 45 pistola dayun tion sa pulis.
Nag-ala Fernando Po Jr. ang pulis ug didtu nailog ug gi-dis-armahan ang suspek rason nga lakip sa nakumpiska ang lima ka mga buhing bala nga gisukip sa naasoy nga armas.
Ang gi-aresto nga suspek ang kasamtangang gi-priso sa San Pablo MPS.