Sa interview sa DXDC RMN Davao kang Police Master Sergeant Niva Torres, Police Non-Commissioned Officer (PNCO) sa Women and Children Protection Desk (WCPD) sa Panabo City Police Station, iyang giila ang suspect nga si Jay-Ar Traya Jr., 25, ulitawo, taga Digos City, Davao del Sur.
Matud ni Torres, kanhi na napriso ang suspect sa kasong kawat sa Panabo City.
Gisaysay sa pulis nga ayha nahitabo ang insidente, giduol niya ang 7 anyos nga batang babae nga si alyas Girlie ug gipasaligan nga palitan og pagkaon ug manika. Gikan Barangay Cagangohan, gidala sa suspect ang bata sa usa abandonadong gasolinahan sa Purok 5, Barangay San Francisco, Panabo City ug didto kini gimolestiya subay sa testimonya sa biktima.
“Ang bata while naa sya sa Piso WiFi, gi-approach siya sa suspect ga mamalit sila’g pagkaon (ug) palitan siya’g Barbie doll. Gisakay sya sa tricycle sa suspect unya nahaylo lagi kay bata man, na-entice siya, nikuyog sya. Naningkamot pud sya og exit. Naka-evade sya, dagan-dagan,” saysay sa pulis.
Sa dihang nakasinggit ang bata, daling gisusi sa nakadungog nga mga tawo sa lugar ang panghitabo ug didto nila nakita ang bata ug naabtan pa ang suspect nga wala nay sapot, rason nga gitabangan kini og kulata tungod sa kalagot.
Kagahapon, Oktubre 26, 2023 gipailawom sa medico legal examination ang bata ug ipailawom usab kini sa counseling sa Department of Social Welfare and Development (DSWD).
Pahimangno sa kapulisan ilabi na sa mga ginikanan nga hugot i-monitor ang mga anak ug i-edukar nga likayan ang pagkuyog sa mga dili kaila aron malikayan ang unsa mang insidente.
RadyoMaN Kirby Manzon
