Dipolog City – Balhug na karon sa prisohan ang usa ka 22 anyos nga ulitawo dihang nadakpan kini sa follow-up operation sa kapolisan kagahapon adlawa didto Barangay Galas, dakbayan sa Dipolog kinsa maoy nakita sa CCTV Camera nga nilungkab sa usa ka peso net establishment diha sa may Tomas Claudio St. Barangay Miputak, pasado alas 10:00 sa niaging gabii.
Giila sa kapolisan ang ilang nadakpan nga si Nico Michael (Bansagon Gipogngan) alyas Mic Mic, molopyo sa North Curavada Baragay Galas.
Base sa nahipos nga report sa Dipolog PNP nasayran ang maong suspetsado maoy nakita sa pagreview sa kuha CCTV Camera sa tag-iya sa peso net nga si Riche Robin Navaro 40 anyos taga Bolicon Barangay Turno, nga naginosara ug maoy nipalong sa suga dayun nitabon sa kuha sa CCTV gamit ang hinubo niining sanina ug didto sumala pa nakahigayon ug guba sa duha ka padlock sa safety box coins ug gilimas ang sinselyo nga gibana banang mokabat sa 10mil ka pesos.
Human mareview sa biktima ang pagpanlungkab daling kining nitaho ngadto sa Dipolog PNP kon diin gipakita niiini ang kuha sa CCTV ngadto sa kapolisan, hinungdan nilusad gilayon sa follow-up operation ug malapuson nadakpan ang suspek nga si alias Mic Mic sa iyang gipuy-an apan pakyas nang marekober ang nakawat nga kwarta.
Sa interview sa rmn dxdr ngadto sa dinakpan gipangulipas niini ang pagbuhat sa pagpanlungkab hinuon giangkon niya nga siya ang nakita sa CCTV Camera nga maoy nitabon ug sanina, rason niini nga iyang gibuhat ang pagtabon aron sumala pa dili makit-an ang gihimong pagdula-dula sa iyang ’buhi’ samtang naglantaw ug sex scandal diha sa internet.
Niya pa way dautan ang iyang nahimo kay lalaki sumala pa siya nga ganahan sa gilantaw.
