Dipolog City, ZN – Pormal na gipasaka ang kasong arson batok sa usa ka ulitawo nga gika-alegar maoy responsable sa pagtuyo untag sunog sa payag nga ginama sa light materials didto sa Dipolog boulevard sa miaging gabii.
Si Alberto Baro, 19 anyos, usa ka car washer nga taga barangay Sianib, lungsod sa Polanco, ning lalawigan sa Zamboanga del Norte, ang gidakop ni PO1 Jomar Baso human sa nahitabong duha ka pagsilaob sa kalayo luyo sa payag sa maong dapit ug base sab sa duha ka mitestigo nga sila Norjosen Ondog, Jay-r Gomiton nga diha atol sa hitabo.
Sumala pa nga pasado alas 10:45 sa gabii, nakugang ang watchman sa dapit nga si Darryl Cantoneros dihang dunay nisilaob nga kalayo sa luyong bahin sa gibantayan niining mga payag sa may Dipolog boulevard, barangay Miputak ug tungod sa kabalaka napatabang gilayon sa maong polis.
Hinuon sa duha ka pagsilaob ang natabang ra ug dali nilang napalong.
Minutos ang milabay ang suspek nga si Baro niguho ug nigawas sa dapit kon diin maoy gitudlo sa duha ka testigo nga maoy responsable hinungdan siya giaresto ug nabawi diha sa posisyon ang usa ka diposable lighter kolor orange igon man pitaka dunay sulod id.
Sa interview sa rmn dxdr sa dinakapan gipangulipas niini nga siya maoy nisilab sa payag.
Sumala pa naabot siya sa maong dapit ug nitambay kay nagpaabot nga magkigkita kaniya ang nauyab diha sa textmate apan naabot nalang ang maong oras wala mitungha maong siya migawas.
Ang dinakapan nasuta sa kapolisan nga lango sa ilimnong makahubog atol sa hitabo ug karon balhog sa prisohan samtang naghulat sa dugang mando sa korte labot na sa giatubang nga kaso.
