Patay ang usa ka 17 anyos nga lalaki human naligsan ug motor dayon nalatayan sa ten wheeler track nga nagsunod samtang patabok kini sa dalan sa may Barangay Sto. Rosario alas 7 kapin kun kulang ang takna kagabie.
Ang biktima nailang si Gamaliel Galarsa 17 anyos ug molupyo sa zone 3 Barangay Sto rosario ning dakbayan.
Matud pa sa mga nakasaksi, nga patabok na unta ang biktima sa maong lugar dihang nabangga-an kini sa usa ka motorsiklo nga gimaneho ni Jomar Ermac, 30 anyos, nga taga Katipunan sakop sa barangay Hinaplanon.
Dihang natumba ang maong biktima, nalatayan kini sa nagsunod nga ten wheeler truck nga gimaneho sa usa ka Arnold Valenzuela Gagni, nga taga General Santos city kung asa maayong pagkalata sa lawas sa maong biktima.
Gidala pa sa city hospital apan gideklara na kining dead on arrival sa mga doktor,
Dali usab nga mi surender ang driver sa maong truck ug anaa karon sa may presento uno, samtang gisikop usab ang driver sa motor.
Ang patayng lawas sa biktima ang gidala sa usa ka punerarya dinhi sa dakbayan sa Iligan.
