Davao City – Nakabaton og samad dinunggaban ang biktima human lubaa sulod sa videokehan atol sa pagsugat sa bag-ong tuig.
Sa blotter sa Tugbok PNP, ang biktima mao si Crispin Segovia, 35 anyos, ulitawo, nagpuyo sa Barangay Bago Oshiro, Tugbok District, Davao City, kinsa giluba sa suspek nga mao si Jim Paul Gabato alas 8:40 sa kabuntagon.
Sa imbestigasyon, naglingaw-lingaw lamang ang biktkma pinaagi sa pagkanta sulod sa PCA Videoke ug kalit lamang kining giluba sa suspek rason sa pagka agom og samad sa kalawasan.
Nasayran nga nasamukan na ang suspek tungod kay wa’y putol sa iyang pagkanta ang biktima hangtod sa adlaw sa bag-ong tuig.
Daling misibat ang suspek gikan sa crime scene hinungdan nga gilusad na karon ang ‘manhunt operation’ sa mga otoridad samtang ang biktima daling gidala sa balay-tambalanan.
RadyoMaN Erin Lumosbog
