Sa report sa Malalag Municipal Police Station (MPS), giila ang biktima nga si Joshua Gamboa Cabigas, 18 anyos, ulitawo, nagtrabaho isip tigpakaon og isda, ug residente sa Sta. Maria, Davao Occidental. Nasayrang alas 11:30 sa buntag sa dihang nakit-an na lamang sa usa ka kagawad sa barangay ang biktima.
Sa interview sa DXDC RMN Davao kang PSMS Jonalou Cañada, imbestigador sa Malalag MPS, iyahang saysay nga sakay ang bangka gihatud niya ang iyahang amo sa Sta. Maria, Davao Occidental ug pagbalik niya didto na kini posibleng nahagbong sa sakyanan. Hinuon, matud sa doktor, walay foul play ang iyahang kamatayon.
“Naa man ‘to syay bangka. Gihatud niya iyang amo didto sa ilang fish cage. Unya nibalik pud sya diri sa Malalag. Taob man gud to pagbalik niya diri kay nakataud pa man sya sa angkla sa iyang bangka. Natagak (siguro siya). Nakita sa doktor, wala man poy nakita nga bun-og sa iyang lawas,” saysay ni Cañada.
Kumento ni Lovie Panta nga kaila sa biktima, gikasubo niya ang kamatayon sa batan-on. Nakig-alayon na karon ang kapulisan sa pamilya alang sa pagpahilona sa biktima.
RadyoMaN Kirby Manzon
