‘ULTIMATUM NI DIGONG’ – Balak Attack sa Kuskos Batikos

Mando ni Digong sa katawhan gikahimut-an

Gukdon ang mga contractor nga langayan

Proyekto sa gobyerno sa contractor gibiyaan


Inprastraktura sa katawhan wa mapahimuslan.

Oras na ninyo mga bintahusong contractor

Kang Digong karon way gipili ug pabor pabor

DPWH gimandaran nga ipiton ang mga abusador

Sa mga saltong contractor si Digong way amor.

Nagkagusbat nga dalan dina buot makita sa pangulo

Gitinuntuhan sa mga contractor ug gipang-abandono

Sulod sa traynta diyas angay ang proyekto makumpleto

Kinsa kadtong dili makatiwas pasakaan gyud og kaso.

Karon kamong mga contractor nga labihang kamarama

Inyong estilo sa bidding laway ray kapital puera gaba

Apil mga politiko nga commission ray gibungat sa baba

Lowest bidder kuno pero ang proyekto dali rang maguba.

RadyoMaN Erin Lumosbog

Facebook Comments