Davao City – Angayan lang magpatuman og warning si Pres. Rodrigo Duterte alang sa mga road contractors aron mahuman ang tanang mga wala pa matapos nga mga proyekto.
Sumala ni Davao City First District Councilor Nilo “Small” Abellera Jr., adunay ubang mga contractor nga langay-langayon tungod kay ila pang gipasub-contract luyo sa ginapatumang time frame sa proyekto.
Gisulti usab sa konsehal sa unang distrito sa syudad sa Davao nga gikinahanglan usab ang pagpasidaan sa mga personahe sa gobyerno aron dali-on sa pagtapos ang ilang mga proyekto.
Samtang gipasabot usab ni Abellera nga sa bidding, gikinahanglan ang modaug kadtong molantaw sa specification sa proyekto ug adunay katakos aron malikayan ang kalangan ug walay matigayong korapsyon.
Dakong uyon si Abellera nga wagtangon ang sub-contracting scheme sa mga proyekto sa gobyerno tungod kay makalangan kini.
RadyoMaN Bernard Pantallon
