Gintaeana eon it Commission on Election (COMELEC) rong petsa para sa uman nga pagbukas it voter’s registration.
Suno kay Comelec Spokesman James Jimenez, umpisa sa Agosto 1, 2019 hasta Setyembre 30, 2019, pwede eon uman nga magparehistro.
Bukas man rong Comelec offices maskin Sabado ag Dominggo kaeakip rong Holidays.
Sa pagbana-bana it Comelec naga abot sa daywang milyong bag-ong botante rong ginasaligan nga magaparehistro sa sueod it daywang buean nga voter’s registration period.
Ginklaro man ni Jimenez nga rong mga botante eon sa Sangguniang Kabataan hay indi eon kinahangean pang magparehistro kung sanda hay magiging 18-anyos eon.
Automatic eon abi nga gina transfer ro andang pangaean halin sa SK List of Voters paadto sa regular List of Voters.
