Dapat imbestigahan ng Office of the Ombudsman at Kamara ang umano’y palitan ng text messages sa pagitan ni Pangulong Ferdinand Bongbong Marcos Jr. at dating Presidential Legislative Liaison Office Usec. Adrian Bersamin patungkol sa “kickbacks” mula sa maanumalyang flood control projects.
Hamon ito ni Gabriela Womens’ Party Representative Sarah Elago sa Office of the Ombudsman gayundin sa kaukulang komite ng Kamara tulad ng Committee on Good Government and Public Accountability.
Giit ni Elago, seryoso at hindi dapat ipagwalang-bahala ang ebidensyang magpapatunay na may kinalaman si president marcos sa kickbacks mula sa maanumalyang flood control projects.
Diin ni Elago, dapat itong siyasatin upang magkaroon ng pananagutan.
Facebook Comments
