Gidiklarar ni Mandaue City Mayor Luigi Quisumbing nga “danger zone” ang labayanan ug basura sa Barangay Umapad sa maong daklbayan .
Nasayran sa pagtoon sa Japanese International Cooperation Agency o JICA nga naabot na ug diyes metros ang gilawmon sa Umapad dumpsite subay sa paggamit na niini sud sa di momenos 40 na ka tuig .
Namatikdan usab ang presensiya sa “methane gas” nga posibling makamugna ug pag-ulbo o sunog hinungdan nga kinahanglan kining solosyonan sa labing dali nga panahon.
Una nang gitinguha sa kagamhanan sa syudad sa Mandaue nga mogasto ug multi-milyones nga pondo aron palamboon ang lugar apan mapadaplin una kini tungod sa findings sa pagtoon sa JICA.
Dugang ni Quisumbing nga hatagan karon ug priyoridad sa syudad ang pagpaubos sa rehabilitasyon sa dumpsite aron mahimo kining “safe zone” sa labing dali nga panahon.
