"UMIIGAT" | Konduktor sa Ceres Bus giakusahan nga nanghikap og paa

Nakakuha sa akoang attensyon ang facebook post kagabii, Enero 25, sa usa ka Mark Vincent Monsales sa dihang iyang gipagawas ang iyang kalagot batok sa nailhang konduktor nga si “Nelson” nga giingong mihikap sa paa sa iyang uyab nga si Crista Lorrene Gacud.

Tungod sa giingong pagbinastos sa maong konduktor sa Ceres Bus nga gisakyan sa iyang uyab padung sa Bogo City, Cebu nakahukom ang maong babaye nga manawag sa iyang bf nga si Mark para ipahalata sa konduktor nga “taken” na kini og dili na angay pa niyang diskarte-an.

Wa gyud kuno gihapon siya hunongi. Sige hinuon pangulit og pangayo sa mobile number ni Crista ang maong konduktor. Nga suma pa niya, mihikap sa iyang paa sa dihang tan-awon iyang school ID.


“Mag-maestra diay ka maam? Lami ra bang pangasaw-on ang maestra.” Niyango ra pud tawn ang nahadlok na nga si Crista. Kay wa man sad mahimutang iyang bf nga Mark nakahukom sad ni nga mag-atang ni Crista inig naog sa Ceres Bus.

Didto na mismo sa terminal kung asa miparking ang maong Ceres Bus giconfront ni Mark ang maong giakusahan nga “umiigat” nga konduktor. Mao ni ang convo nilang duha kung diin gikuhaan pa gane ni Mark (M) og video ang maong konduktor (K).

M: Boss! Unsay pangan nimo?

K: (Kulbaan kaayo’g nawng kay kita man siya sa akong uyab nga nagtambo sa bintina sa sakyanan. So aware na siya sa akong concern nganong niduol ko niya kay tungod sa iyang gibuhat ganiha.) Ngano man sir?

M: Dili ba unsay pangan nimo?

K: Nelson sir. Ngano man sir? Ngano man?

M: (Gikuha nako iyang ID ug akong gitan-aw) Nelson Pradilla?

K: Ou sir ngano man?

M: Naa kay problema sa akong uyab?

K: Sorry kaayo sir wala man ko kahibaw.

M: Nganong nangayo manka og cp # niya?

K: (Sige pangayo og sorry.)

M: Taronga nang trabaho nimo ha dili kay magbinastos ka og tawo.

K: Sorry sir. Sorry na sir. Sorry gyud kaayu sir.

Suma pa ni Mark nga taga Medellin kuno ang maong konduktor ug miangkon nga single ni. Apan karong lang adlawa, Enero 26, naa siya’y mga hegala sa lungsod sa Medellin nga miingon nga minyo kuno tong tawhana.

Sa pagpakighinabi sa iFM Cebu Team sa owner sa maong fb post nga si Mark Vincent Monsales nga bisan 7 months pa sila sa iyang uyab apan pinangga kaayo ni niya. Graduate na pud sa kursong Information System sa Colegio De San Antonio De Padua ang iyang uyab apan nag-eskwela ni og DPE kay gustong magmaestra. Si Mark kay 24 anyos ug trabahante sa usa sa mga branches sa Palawan Pawnshop, ug si Crista 22 anyos.

Misakay pud si Crista sa Ceres Bus nga nay plate number GXS 616 pasado alas 6 kagabii ug niabot sa Bogo City hapit napud alas 8:30.

LEKSYON SA KONDUKTOR

Gi confront ni Mark ang maong konduktor para mahibaw ni nga dakong sayop iyang gibuhat. Nagpost pud ni sa facebook para ma aware ang public ug mapukaw pud ang attensyon sa owtoridad nga tagaan og leksyon ang mga “bastos”, “umiigat” o “feeling gwapo” nga kundoktor sama sa nakasugat sa iyang uyab.

Unsa inyong ikasulti ani idol?

Facebook Comments