Muling iginiit ng lokal na pamahalaan ng Aguilar ang patuloy na umiiral na pansamantalang pagsasara sa Maples River sa bayan sa ilalim ng nilagdaang Executive Order No. 17, Series of 2024 ng alkalde.
Kasunod ito ng patuloy na dagsa ng mga bisita at turista na nagtutungo sa naturang pook-pasyalan sa kabila ng epektibong pagpapasara nito.
Matatandaan na naunang nagdeklara ng closure ang LGU Aguilar noon pang April 23, 2024 at iginiit na hindi pa ito inaalis hanggang sa kasalukuyan bunsod ng mga naitatalang pagkalunod.
Nitong Pebrero rin, iminungkahi ng DENR ang tuluyang pagpapasara nito dahilan ang naitalang mga insidenteng sunog sa bulubunduking bahagi ng Maples River, maging ang nagkalat na mga basura sa kahabaan ng lugar.
Pinaalalahanan ang publiko na sundin ang umiiral na kautusan para sa kaligtasan at pakikiisa at respeto na rin sa mga ibinababang local regulations sa bayan. |𝙞𝙛𝙢𝙣𝙚𝙬𝙨
