Muerto el un menor de edad, mientras grabe el otro cuando ya rebenta emfrente canila el un explosiva que sila ta huga na Purok 11, Barangay Poblacion, Dimataling, Zamboanga del Sur alas-tres pasada del ayer por la tarde.
Na report del Mando Policia Rehiyunal, ta aparece cay el dos menor de edad ya engcontra con el explosive na vicinidad del casa del diila vecinos, y estos ya anda juca coneste desfues yah ace pukpok de piedra, rason para rebenta este emfrente canila.
Asegun con Genalyn Carpila,el tiya del victima, diyes metro lang ele de lejos desdel lugar onde ya rebenta el explosive donde ele ocupao ta saha palito de canya cuando ya fuede le gole el insidente.
Con el mga victim ya lleva corre insiguidas na ospital por el tratamiento medical donde muerto ya cuando ya llega el uno diila porcausa con el fatal tupada na cuerpo.
El policia que ya responde na lugar ya fuede engcontra cuantos mga pedaso del destrosao aluminum plates que parte del explosiva que ya rebenta na lugar. – *Bhong Simbajon/RMN News*
