Muerto el un padre de familia desfues coneste tira el desconosido suspechao enantes madrogada na MCLL highway, Barangay Boalan.
Con el victima ya fuede identifica como si Benito Romirosa,38, residente del mismo lugar.
Asegun con el padrasto del victima si John Sampang, si Benito temprano cada madrogada ta hace hatud con su esposa si Norma para na Bethany donde este ta trabaha como un cusinera, donde cuando pabolbida ya este enantes, ya sigui coneste el suspechao na detras que abordo tambien na otro motorsiclo y ya tira coneste na cabeza sin provocacion.
Ya tba el victima na lugar del insidente y ya despidi porcausa con el patal tupada na cabeza, mientras el suspechao ya escapa para na desconosido direccion.
Ya pricura pa lleva con el victima para na ospital,sin embargo ya declara coneste dead on arrival.
El mga personajes del Divisoria Police Station ta pricura pa determina el motivo del tal crimen y el identificacion del suspechao. -Bhong Simbajon/RMN News
