Una nga adlaw sang Bayanihan Bakunahan sa syudad sang Koronadal gindagsa sang katawhan.

15

Gindagsa sang mga nagpabakuna ang walo ka vaccination sites sa syudad sang Koronadal sa una nga adlaw sang Bayaninahan Bakunahan, suno kay Dr. Stephen Mortera, OIC city health officer.
Suno kay Dr. Mortera sa inisyal naglab-ot sa masobra isa ka libo ang mga naakumudar nga indibidwal sa pipila ka mga vaccination sites sa syudad kahapon nga adlaw.
Samtang subong kag bwas nga adlaw ila ginalauman nga magdagsa sa gihapon ang mga luyag magpabakuna sa mga vaccination sites sa syudad.
Angot sini nagalaum sila suno kay Dr. Mortera nga malab-ot ang 70% sang target population sa mabakunahan batok COVID-19 agud nga maangkon ang herd immunity.
Nahibaluan nga nagalab-ot sa 35,046 ka mga indibidwal ukon 11,682 ka mga vaccinees kada adlaw halin Nobyembre 29, 30 kag December 1 ang target nga mabakunahan sa ginapatigayon nga vaccination drive.
Ginapasalamatan naman ni Dr. Mortera ang mga volunteers, health workers, stakeholders kag katawhan sa suporta sa ginapatigayon nga National Vaccination Days.

Facebook Comments