Ginsugata sang isa ka sunog sa siyudad sang Iloilo ang pagsulod sang una nga adlaw sang bulan sang Abril.
Nagtuhaw ang kalayo mga alas 12 kaina sang kaagahon sa Tanza Timawa Zone II kon sa diin base sa inisyal nga pagbanta sang Bureau of Fire Protection, masobra sa 20 ka pamalay ang nasunog.
Madasig nga naglapta ang kalayo kon sa diin pasado alas 12:30 sang kaagahon natigayon nga ma-kontrol ang nasambit nga sunog.
Sa karon padayon nga gina-imbestigahan sang BFP ang ginhalinan sang kalayo kag ang kabug-usan nga balor sang nagkalasunog.
Una diri, pasado alas 2 kahapon sang hapon, nagluntad man ang grassfire sa barangay Gua-an, Leganes kon sa diin kapin sa 30 ektaryas sang kahilamunan kag ka-cognan ang ginlamon sang kalayo apang wala naman sang balay nga nadalahig.
