May nadakpan gilayon sa paglapas sa R.A. 10591 sa una nga adlaw sang election gun ban kahapon nga adlaw.
Naaresto sang Lapaz PNP alas 8:30 kahapon sang aga sa Lapuz Norte, Lapaz ang suspek nga si Julius Borromeo, 44 anyos sang nasambit nga lugar bangud sa paglapas sa comelec gun ban.
Antis sini, may nagluntad nga commotion sa tunga ni Julius kag Leo Borromeo kon sa diin nagkuha sang armas luthang ang suspek kag gintayaan ang naulihi.
Bangud sini, nagluntad ang pagpukutay sang duha tubtub naagaw ni Leo ang armas sang suspek.
Gilayon naman nga gindakop sang kapulisan si Julius Borromeo nga yara na karon nahunong sa Lapaz Police Station matapos makuha sa iya ang 38 caliber revolver.
