Una nga adlaw sang sidewalk kag road clearing operation sa Roxas City, nangin matalunsay!

26

Roxas City, Capiz – Nangin matalunsay ang ginpatigayon nga una nga adlaw sang road clearing operation kahapon nga adlaw sa pila ka mga mayor nga dalanon sa syudad sang Roxas.

Kalakip sa gin-subay nga mga dalan sang composite team amo ang halin sa Roxas City Bridge, Roxas Avenue, Fuentes Drive, McKinley Street kag Burgos Street.


Talalupangdon nga madamo nga mga establisemento komersyal ang nagbayolar paagi sa paggamit sang mga sidewalks bilang parking area subong man bulotangan sang ila nga mga baligya.

Sa pihak sini, ginpasalamatan naman ni Mr Ronald Amigo ang kooperasyon sang tanan angut sa pagpatuman sang nasambitan nga direktiba sang national government sa mga LGUs.

Iya man nga gindayaw ang pamunoan sang City Engineers Office nga una na nga magpatuman sang pre-clearing operations antes ang dry run kahapon nga adlaw sang Lunes.
Liwat naman nga nagpanawagan sa publiko ang city government may kaangut sa implementasyon kag resumption sang road clearing operations.

Suno pa kay Mr Ronald Amigo dapat nga magkooperar na lang ang tanan agud malikawan ang anuman nga inconvenience.
Pahayag dugang ni Amigo nga tayuyon na ang nasugoran nga road clearing sa Roxas City bangud ang City Engineer’s Office amo mismo ang magafollow – up sa sidewalk samtang ang Traffic Management Unit (TMU) naman ang bahala sa mga nagapasaway paagi sa paghimu nga parking area sang mga sidewalks.




Facebook Comments