Sa interbyu sa DXDC RMN Davao kang CHO Tropical Diseases Prevention and Control Division Pest Control Worker II Melodina Babante, niadtong Mayo 2022 nakumpirma nga positibo sa Chikungunya disease ang usa ka babaying pasyente nga na-confine sa Southern Philippines Medical Center (SPMC).
Matud niini ang previous confirmed case, residente kini sa Barangay Ilang ning syudad sa Davao.
Samtang, gihulat pa ang resulta sa laboratory tests sa 25 ka mga suspected cases sa Chikungunya sa Purok 18, Barangay Panacan ning syudad sa Davao sumala ni Babante.
Nanawagan kini sa katawhan nga magdoble igmat batok lamok nga aedis nga parehong nagdala og dengue ug chikungunya.
Ireport gilayon sa Barangay Health Centers kung adunay mga sintomas sa Chikungunya nga kalintura, rashes nga sama sa measles ug joint pains.
Gibutyag ni Babante sa pagpanguna sa ilang labaw sa CHO Tropical Disease, nagpadayon ang intensified surveillance, monitoring ug preventive measures nila ilabina sa mga areas nga adunay suspected cases sa Chikungunya.
RadyoMaN Aimee Guinita
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
