Unang DXDC Excellence Awardee giila

Davao City – Motibasyon ang pamilya ug paghigugma sa kurso ang nahimong inspirasyon ni Jackielou Balbiran, usa ka Communication Arts graduating student sa Liberal Arts Program sa University of Immaculate Concepcion, kinsa usa sa pipila ka mga Makadawat sa DXDC Excellence Award karong school year 2017-2018. Sa pakighinabi kaniya sa programang ‘Serbisyong Straight to the Point’, gibutyag ni Jackielou nga dili kini mao ang iyang unang kurso diin siya mikuha og kursong Pharmacy gani ulahing higayon na ni niya nga magtarong og eskwela gumikan ginasuportahan lang siya sa iyang iyaan. “Kung dili gusto nimo ang course, better shift nalang ka kanang dili pinugos,” segun ni Balbiran. Sumala sa graduating student nga dili lalim iyang mga naagian ilabi na nga kinahanglan niyang mobalhin sa Davao gikan sa Soouth Cotabato ug mopuyo sa iyang iyaan aron makahuman og eskwela. Hinoon mapasalamaton si Jackielou ilabi na sa iyang mga iyaan nga walay puas nga nisuporta ngadto kaniya. Si Jackielou usa lamang ka representasyon sa pipila ka mga naningkamot usab makahuman og eskwela bisan sa kalisud gani usa siya sa napili nga mahatagan og RMN Excellence Award. Ang DXDC Excellence Award usa ka tinuig nga pasidungog nga ginahatag ngadto sa nga piniling estudyante sa nagkadaiyang tulunghaan alang niadtong graduates kinsa nagpakita og outstanding performance sa ilang pag-eskwela. Karong tuiga mao ang ika-upat na nga higayon sa pagtunol sa maong rekognisyon kun pasidungog. RadyoMaN Jason Amisola tags: dxdc 621 davao

Facebook Comments