Davao City – Dakong garbo sa Pilipinas ang pagkasakmit ni Ernest John (EJ) Obiena sa pinaka-unang gold medal para sa Pilipinas sa 19th Asian Games sa Hangzhou, China.
Nagpasalamat ang Davaoeño netizen nga si Ge La, nga nakasakmit ra gyud og bulawanang medalya ang nasud. Kumento usab sa ubang netizens nga dili gayud masayang ang suporta sa gobyerno sa mga atletang Pinoy.
Niadtong Sabado, September 30, 2023, sa dihang mihimo’g kasaysayan si Obiena sa Asian Games human kini naka-record og 5.90 meters sa men’s pole vault.
Nalabwan ni Obiena ang record nga 5.70 meters ni Seito Yamamoto sa Japan atol sa Jakarta Asian Games 2018, human nga nakuha na ni Obieña ang 5.75 meters sulod sa two attempts.
Padayon usab ang pagsakmit sa Pilipinas og mga medalya sa uban pang mga dula sa nagpadayong Asian Games.
RadyoMaN Kirby Manzon
Facebook Comments
