CAUAYAN CITY – KINUMPIRMA NG PROVINCIAL VETERINARY OFFICE (PVET) NG CAGAYAN ANG UNANG KASO NG AFRICAN SWINE FEVER (ASF) SA LALAWIGAN NGAYONG 2025.
NAITALA ITO SA BARANGAY CENTRO 2 NG BAYAN NG SANCHEZ MIRA MATAPOS MAMATAY ANG DALAWANG BABOY NG ISANG HOG RAISER NOONG AGOSTO 13.
AYON KAY DR. NOLI BUEN, PROVINCIAL VETERINARIAN, AGAD NA INIMBESTIGAHAN ANG INSIDENTE AT SINURI ANG NATITIRANG BABOY SA PAMAMAGITAN NG BLOOD SAMPLING NA KALAUNA’Y NAGPOSITIBO SA ASF BASE SA RESULTA NG REGIONAL ANIMAL DISEASES DIAGNOSTIC LABORATORY (RADDL) SA TUGUEGARAO CITY.
AYON KAY DR. BUEN, MATAGAL NANG WALANG KASO NG ASF SA LUGAR AT HULING NAITALA PA ITO NOONG 2021.
BAGAMAT HIWALAY SA IBANG KABAHAYAN ANG PINAGMULAN NG KASO, MAHIGPIT NA BINABANTAYAN NG AWTORIDAD ANG SITWASYON.
