*General Santos City– Gikumpirma ni Dr. Rogelio Aturdido, Provincial Health Officer Sa Integrated Provincial Health Office South Cotabato nga taga Polomolok ang pinaka-uwaheng kaso sa Covid-19 sa probinsya kung asa ang nagpositibo usa ka 25 anyos.*
*Subay sa inisyal nga pagsuta, duha na ka bulan nga adunay sakit sa baga ang nahisgutan apan Mayo 9 dihang kini gi-admit sa usa ka ospital sa Pomolok ug Mayo 10 dihang gibalhin sa covid center sa Surallah human makasinati sa paglisod ug ginhawa.*
*Mayo 17 matud pa dihang kini gi-discharge sa balay tambalanan human nga nakit-ang nag-improve ang iyahang medical health record apan pagka-hapon, nigawas ang resulta niini nga postibo kini sa Covid-19.*
*Gipaklaro man usab ni Dr. Aturdido nga na-discharge ang pasyente bisan ug wala pay resulta sa laboratory test gumikan dugay gyud nga naga-abot ang resulta ug pinaka-paspas na ang upat ka adlaw.*
*Sa milabay matud pa nga duha ka semana, nauna ng mibalibad ang Southern Mindanao Medical Center nga dili una sila mudawat ug sample.*
*Paniguro niya nga bisan ug na-discharge sa hospital ang nahisgutan, ilahang gipatuman ang tanang precuationary measures.*
