Kanus-a pa intawon kamo muungdang?
Ayaw paabota nga kamo mutikangkang
Hununga na lagi ang inyong pagbinuang
PDEA sa inyong tugkaran nagkamang.
Pastilan ning usa ka barangay kagawad
Ebidensyang shabu sa balay gibukhad
Pag aresto wala na gyud sya mubalibad
Kay illegal drugs ang iyang gi-wad wad.
Bisan gamay si kagawad wa gyud mahadlok
Kadaghan nang taga gobyernong gipitlok
Sa bilanggoan si kagawad naghinuktok
Dili makatuo sa prisohan siya ipasok.
Unta kini magbilin nga pagtulun-an
Illegal drugs hingpit nang biyaan
Bisyo nga pinaka walay hinungdan
Basin minteryo ang imong tugpahan.
RadyoMan Erin Lumosbog
Facebook Comments
