Kini ang gibutyag ni Police Major Marvin Hugos, Station Commander sa San Pedro Police Station human nahinabi sa DXDC RMN Davao.
Segun ni Hugos, 113 ka personahe sa police ug police auxiliary ang i-assign nga maoy magbantay sa walo ka menteryo nga sakop sa San Pedro PNP sa adlaw sa kalag-kalag.
Dugang ni Hugos, gidili ang pagdala sa ilimnong makahubog, mga mahait nga hinagiban, sound system o speaker ug walay overnight. Abli ang sam-ang sa publiko sugod alas 6:00 sa buntag hangtud alas 8:00 sa gabii alang sa pagbisita.
Samtang nahinabi usab sa Team sa DXDC RMN Davao si Alfredo Rivera, care taker sa Roman Catholic Cemetery nga wala nay mga pagpangbuslot sa mga pantyon aron kuhaon ang tuway-tuway sa namatay.
Segun ni Rivera, mas problema nila ang daghang mga batan-ong Pinoy ingon man langyaw (Indian) ang mag-inum ug magdate nga mag-uyab ug pagkahuman ipangbilin ang mga basura sulod sa menteryo.
“Pahibalo lang gyod sa tanan nga modalaw o dili mobosita o mag-standby lang sulod sa menteryo dapat respituhon pod nila ang mga kalag. Kung mag-standby sila dili pwede magdala og mga basura sulod sa menteryo,” saysay ni Rivera.
RadyoMaN Don Pulayao
