Davao City – Paspas ug saktong pag-ihap sa mga boto: Kini maoy tumong sa Automated Election System (AES) dinhi sa Pilipinas.
Gisugdan niadtong tuig 2010, gi-segundahan kini niadtong 2013, 2016 ug kining 2019 Midterm Local and National Elections nga maoy ika-upat na ka beses sa computerized nga proseso sa pagbotar.
Sumala ni COMELEC-XI spokesperson Atty. Krisna Samantha Caballero, ciento por ciento na silang andam ning maong eleksyon.
“We will be using our Vote Counting Machine. Mugamit kita’g machine sa pag-cast sa atoang votes, mao ni siya mu-count sa mga balota ug kini pod muhatag og resulta sa votes nga na-cast tapos iyahang i-count kung pila to siya.”
Segun ni Caballero, ang Davao usa sa napiling pilot areas sa Pilipinas uban ang lalawigan sa Davao del Sur nga mugamit for the first time sa Voters’ Registration Verification System kun paggamit sa mga VRVMs.
“Dati mutan-aw man gyod ta sa Election Day Computerized Voters List o EDCVL so pangitaon pa ang pangalan didto sa presinto, but this time around ang VRVM is pagsulod nimo automatic mag-finger print ka para makita na didto kung unsa imohang pangalan, unsang presinto ka naka-register,”
Gibutyag ni Caballero nga gimugna usab kining VRVM system aron maundang na ang klase-klaseng porma sa electoral fraud sama sa presensya mga flying voters and registrants, ghost and double registrants ug uban pang mga binuang sanglit makita man unya ang matuod nga credentials kun personality sa botante.
Dugang ni Caballero nga daghang posibleng mga mahitabo atol ning maong piniliay apan hitsas sila kun man ugaling mo-palyar ang mga VCMs, VRVMs ug uban pang mga posibleng worst-case scenarios.
“For this election, we will be catering per polling clustered precincts is at least 1,000 voters so wala ta kahibalo kung mubigay ang atoang machines pero dili ni siya dapat kahadlukan it’s because we always have our contingency plans. Naa tay mga stand-by nga mga VCMs anytime pwedi nato i-replace if needed,” matud ni Caballero.
Pahimangno ni Caballero ngadto sa mga voters nga kinahanglan nga andam ang ilang kaugalingon, hinumdoman nga ‘shade properly, do not over vote’ ug gi-encourage ang tanan nga magdala’g government issued identification cards por se caso lang nga pangitaon kini sa mga miyembro sa Electoral Boards.
RadyoMaN Aimee Guinita
