Kalig-on sa dughan, kaisog sa pagkatao ug dedikasyon sa trabaho – kini ang mga kwalipikasyon sa trabahong talagsaon sama sa usa ka embalsamador ug sepulturero.
Nagsugod sa kuryosidad hangtod sa nahimong interes nila ni CJ Bermudez ug Naomi Akamae, tulo ka tuig na nga embalsamador sa Angel Funeral Homes sa Toril ning Dakbayan, ang pag-embalsamar sa patayng lawas.
Tungod usab sa limitadong kahanas, ang pagprepara sa patayng lawas paingon sa haya ang kayang sagubangon sa duha ka embalsamador.
Sama sa kung gi-unsa pagsugod nila CJ ug Naomi, mahimoot sab magtambay sa sementeryo si Erminio Abellanosa, 11 ka tuig na nga sepulturero ug officer-in-charge sa Lubogan Toril Cemetery ning dakbayan.
Alang nila ni CJ, Naomi ug Erminio, maayo nalang kining mga trabaho bisan gamay ang sweldo kumpara sa mga dagko apan iligal nga buhat sa pagpanarbaho.
RadyoMaN Jason Amisola
