Davao City – Mas gipalapdan ang makabenepisyo sa Universal Health Care Program kini human gipasaka ngadto sa kongreso aron ma-aprubahan.
Sumala ni Davao City Chamber of Commerce and Industry, Inc. (DCCCII) president Arturo Milan, dako og tabang sa tanan ang maong programa sanglit ang gobyerno na ang motunol og hinabang sa katawhan ilabi na sa mga miretiro na sa ilang trabaho ingon man sa mga nangempleyo pa.
Saysay ni Milan nga kaniadto dili pa makabenepisyo ang mga retirado sa Health Care Program diin sa pagkakaron, dako kining tabang aron dili mahurot ang retirement pay sa usa ka indibidwal sa pagpalit og ingon man sa pang-adlaw-adlaw nga gasto sa panginahanglanon.
Gani, malaumon ang kasamtangang presidente sa DCCII nga mapirmahan na ang maong programa isip balaud aron mapaniguro ang panglawas panahon nga muabot na kita sa retirement age.
John Ryan Dyanan, HCDC Intern
