ZAMBOANGA CITY—Porcausa na maga fatal tupada de bala na cuerpo, ya despidi siempre na hospital si Reynold Lam y Ferrer, 33, de Don Toribio Street, Tetuan amediante el curada medical.
Asegun na report del Divisoria Police Station si Lam ya sufri cuantos irida de bala del 9mm pistol mientras su cuñao si Reagan Batanton y Aizon, 31, de Sta. Maria, ta esta pa bajo na observacion na hospital quien tambien ya sufri irida de bala na cuerpo.
El pulis ta considera el anggulo de robo despues ya sale perdido el dinero del maga victima que amo el diila ganancia na perya.
Acordando que el man cuñao muntao na diila motorsiclo estaba na perya antede man alas onse del noche del Martes y mientras pa salida ya sila na highway del Divisoria llegando na poco mas o menos de 200 metro antede llegar na Lobregat Highway tiene dos otro maga persoan munato na otro motorsiclo yah ace lagas canila y el ancas derepente ya tira canila usando el 9mm pistol.
Ya tumba el man cuñao enfrentero del un grande casa y asegun ya abaja el unu del dos suspechao y ya saca el diila dinero y despues ya escapa. – Dan Toribio
