Davao City – Giaresto ang unom ka mga pusher atol sa gilusad nga buy bust operation sa nagkadaiyang police station dinhi sa dakbayan.
Sikop sa Tugbok PNP ang tulo ka mga dinakpan nga mao sila si Jerald Garey Sabili, Jan Victor Billones ug si Isaahan Ayunan Abdul.
Sa maong operasyon unang gidakop si Sabili sa kapulisan human kini napalitan og droga sa usa ka poseur buyer sa kantidad nga 500 pesos.
Gumikan niini, napugos usab ang maong lalaki sa pagtudlo sa lain pang duha ka mga suspek.
Nakuha sa mga dinakpan ang lima ka mga sachet nga shabu ug usa ka daku nga plastic sachet nga dunay droga.
Sa Talomo PNP, dakpan ang usa ka hamtung ug usa ka minor de edad sa dihang napalitan ug nakuhaan kini ug pinaugang dahon sa marijuana.
Dinakpan mao sila si Benjie Manticlap Balmori, 21 anyos residente sa Deca Homes Tigatto Buhangin ug si alyas Tony.
Nakuha sa mga suspek ang usa ka buy bust money nga mokantidad og 1,000 pesos ug mga marijuana nga gibana banaang mo balor og 11,000 ka pesos.
Samtang sa Sta. Ana PNP, giaresto ang usa ka pusher human nakuhaan og shabu alas 1:15 sa kahaponon didto sa Purok 10 South Bay Brgy Lapu lapu Agdao siyudad sa Davao.
Ang dinakpan mao si Crisostomo Enoroba alyas Dodong, 53 anyos nagpuyo sa Doña Salud Sasa siyudad sa Davao ug giposasan kini human mapaliti og usa ka sachet nga gituohang shabu.
Narekober sa dinakpan ang usa ka elongated transparent heat sealed plastic sachet, usa triangular transparent plastic sachet nga gituohan shabu, duha ka linikit nga aluminum foil, usa ka color puti nga plastic case ug ang 500.00 buy bust money.
Ang lima ka mga hamtong balhug na sa prisohan ug gihikay na sa kapolisan ang kasong kalapasan sa RA 9165 kun Comprehensive Dangerous Drugs Act of 2002 batok kanila samtang ang minor gikustodiya na sa Women and Children’s Protection Desk.
Radyoman Don Pulayao/RadyoMaN Paul Canono
