Davao City – Nabungkag ang mga sugarol og hantak sa may Mandug gumikan sa presensya sa kapulisan nga nagronda kanila.
Bisan og abtik nakadagan ang pipila, dakpan gihapon ang unom nga sila si Arnulfo Nonoy, Rex Pantaleon, Vicenten Apog, Marino Abapo, Jun Regala ug usa ka Joseph Dela Cuesta, pulos nagpuyo sa Mandug ug Communal ning dakbayan.
Nakadawat matud pa og impormasyon ang operatiba sa Buhangin nga naghantak ang mga nahisgutan busa alas 2:00 sa hapon gilusad ang operasyon.
Narekober sa kapulisan ang tulo ka toss coins, kapin gatos nga taya ug lingin nga hantakanan.
Sumala ni Police Senior Inspector Calubag, gamiton nilang ebidensiya batok sa mga dinakpan ang ilang nakumpiska samtang apilon usab sa kasong kalapasan sa Presidential Decree 1602 kun Illegal Gambling ang mga naka-ikyas nga sila si Gilbert Galon, Loloy Estorga ug si alyas Jun-Jun.
RadyoMaN Joel Viray
