Davao City – Pareho makabayad og multa sa City Treasurer’s Office (CTO) ang unom ka mga tawo human nanigarilyo sa mga pampubliko nga lugar sa area sa Buhangin.
Gikatakda magbayad sa CTO karong adlaw’ng Lunes ang unom nga sila si Kent Diether Ledesma, Robinson Miranda, Noel Novida Jr., Rodolfo Quizon, Julius Castilon ug Aldwin Roquite, pulos hamtong ang pangidaron ug pareho mga nagpuyo sa mga barangay nga sakop sa distrito sa Buhangin.
Ang unom nasiplatan ni PO3 Peter John De Cadiz nga nanigarilyo sa pampubliko nga lugar mao gipangsita sila pasado alas 2:00 sa hapon kagahpong adlawa.
Nakuha sa mga dinakpan ang upos nga mga sigarilyo nga maoy nahimong basehan sa pag-isyu og citation ticket subay sa kalapasan sa anti-smoking ordinance sa dakbayan.
RadyoMaN Joel Viray
