Davao City – Unom ka mga drug personalities sa unom ka balay ang gipailawon sa Oplan Tokhang sa Calinan PNP ngadto sa ilang area of responsibility.
Sumala ni Calinan PNP station commander Police Chief Inspector Michael Uyanguren nga ang ilang gi-tokhang base ra usab sa listahan sa mga drug personalities nga wala nisurrender sa kapolisan.
Gipaabot ni Uyanguren ngadto sa mga nalambigit sa iligal nga droga nga mas maayo nga musurender nalang aron sila matabangan kun dili sila muondang aron malikayan nga mamahimong subject sa buy-bust operation.
Gikanayon ni Uyanguren, ang kapolisan nakig-coordinate na sa mga barangay officials panahon kung maglusad sila og Oplan Tokhang sa ilang AOR sa may Calinan.
Sa pikas bahin, napasakahan na sa Bunawan PNP ngadto sa City Prosecutor’s Office sa kasong kalapasan sa Akta Republika 9165 kun Comprehensive Dangerous Drugs Act Of 2002 batok sa duha ka mga drug pushers nga mao sila si Marlon Benis ug Jovannie Lebradella, pareho hingkod ang edad ug mga residente sa nasampit nga lugar.
Kahinumdoman nakuhaan ang duha ka mga suspect og shabu nga motimbang sa 0.045 grams lakip ang mga drug paraphernalia human nasikop sa kapolisan sa Bunawan atol sa gilusad nga buy-bust operation.
Ang duha ka dinakpan balhog na sa Bunawan PNP.
Sa datos sa Bunawan PNP, pito na ang nadakpan nga drug personalities human gibalik sa kapolisan ang anti-drug operation ug pagbanhaw sa Oplan Tokhang.
RadyoMaN Don Pulayao
