Pagadian City, Zamboanga del Sur – Kamulo karun pag-ayo sa ilang gipuy-an nga balay ang pipila ka lumulupyo sa Brgy. White Beach sakop sa syudad sa Pagadian human gihapak og dakung balod alas 3 ganihang kaadlawon.
Sa interview sa RMN kang Reynario Labado usa sa mga apektadong residente, gipukaw sila ganihang kaadlawon sa dakong bul-og sa balod nga mikuso-kuso sa ilang gipuy-an.
Dali usab nga miresponde ang mga tinugyanan sa City Disaster Risk Reduction Management Office arun pagsuta sa sitwasyon sa mga apektadong pamilya.
Gibutyag ni Haron Damada sa CDRRMO, nga muabot sa tulo ka purok ang naigo sa paghapak sa balod nga gilangkuban sa purok Bangus, Tangige og Anduhaw.
Walay gikatahong samaran o napatay sa maong hitabo.
Nakahukom usab ang pipila ka pamilya nga namuyo sa nahisgutang mga purok nga mohiklin arun makalikay kadaot kung subling muhapak ang balod.
Tags; Mel Coronel, RMN DXPR Pagadian 603, Kenneth Alvin Bustamante
