Unom ka bata, patay sa dengue

PC: Depositphotos

Mikabat na sa unom ka mga  bata ang namatay tungod sa dengue fever ning syudad sa Cagayan  de  Oro.

 

Matud ni City Health Officer Dr. Fe Bongcas nga kini nga record sukad niadtong bulan sa Enero hangtud niadtong July 24.

 

Matud ni Bongcas  nga tulo sa unom ka mga batang namatay polos taga Barangay Lapasan nga ang  ilang  kamatayon nahitabo niadto lamang milabayng semana


 

Ang mga biktima, nag-edad sa 10 anyos paubos.

 

Matud ni Bongcas nga ang unom ka mga batang namatay lakip sa 684 ka mga kaso sa dengue ning syudad  sukad niadtong Enero hangtud sa July 24 ning tuiga.

 

Hinoon, gipasabot ni Dr. Bongcas nga dili pa kini alarming nga mga kaso.

 

Kay matud ni Bongcas nga medyo ubos  pa  kini nga insidente  sa  24 percents kon intande sa record sa milabayng  tuig sa  samang panahon ug samang higayon.

 

Apan tungod sa maong sakit, subli nga nanawagan si Dr. Bongcas sa katawhan ning syudad nga  manglipiyo sa palibot ug  iyabo ang tanang klasi sa open water containers nga posibling maoy  breading  ground sa  lamok nga nagdala sa sakit nga dengue fever.

 

Gipahinomdoman ni Dr. Bongcas ang katawhan ning syudad nga i-practice kanunay ang paglusad  sa 4-S nga naglakip sa  seek and  destroy,   self protection,  seek early consultation ug  SAY NO to indiscriminate Fogging.

Facebook Comments