Unom ka chokepoint ang gipahimutangan sa mga raliyesta kagahapong adlawa gikan sa nagkalain laing sektor sa katilingban nga misalmot sa gipahigayong lihok protesta.
Kini naglakip na sa Banga area sa Barangay Bulua, Licoan junction nga maoy main area, Cogon area sa may Kevin motorela terminal, KSY junction sa Brgy. Carmen, Puerto ug Lapasan area.
Kini ang giklaro ni Starex Piston Region 10 Secretary General Ringo Lago, kinsa miaghat sa ubang mga driver sa pagsalmot sa ilang gihimong protesta tungod kay alang usab kini sa ilang kaayohan.
Dugang pa ni Lago nga wala usab nila gitudlo sa ilang mga kaubang raliyesta nga mohimo sa pagpangsuyak ngadto sa ubang mga driver nga wala miduyog sa ilang gilusad nga lihok protesta.
Apan dili usab matud pa nila mapugngan ang ubang raliyesta kung ila kining buhaton ngadto sa ilang mga kaubang motorista.
By: RadyoMaN Ellah Baculio
