Kumalarang, Zamboanga del Sur – Sikop sa kapulisan ang unom ka mga indibidwal kinsa naaktuhang nagdula sa sugal nga tong-its kaniadtong Sabado sa hapon sulod sa usa ka panimalay nga gipag-iyahan ni BINAYO CATAG ANGUAG sa Purok 1, Barangay Boyugan West, Kumalarang, Zamboanga del Sur.
Naaktuhan sa kapulisan sa Kumalarang ang pagkupay sa unom sa ka mga indibidwal sa baraha ug ang sugalay sa dula nga tong-its.
Lakip sa mga nadakpan mao si Wendel Laugana, 34 years taga Sitio Dakon, Barangay Picanan, Kumalarang, dakpan usab si Abdul Manan Abas, 24 anyos, . Adjeds Laya Sensi, 45 anyos, negosyante, Pablo Angag Samuel, 57 anyos, usa ka mag-uuma ug ang duha ka senior citizen nga mao sila si Ali Abdula Edris, 69 anyos ug Ting Berual Abas, 61 anyos pulos mga residente sa Barangay Boyugan West, Kumalarang, Zamboanga del Sur.
Nakumpiska atol sa operasyon mao ang duha ka set sa baraha ug ang salaping sugal nga mobalor sa 416 pesos gikan sa duha ka tapok.
Lakip usab sa gidakop ang senior citizen nga tag-iya sa balay nga mao si BINAYO CATAG ANGUAG, 64 anyos, walay trabaho kinsa nahimong maintainer sa maong pasugalan.
Kasong paglapas sa P.D. 1602 (Illegal Gambling for – playing cards/ “Tong-its”) ang kasong ipasaka sa Korte sa tagsa-tagsa kanila.
