Davao City – Gipangsikop sa kapulisan sa Sta Ana PNP ang unom ka tao human gilusad ang anti-illegal gambling operation hinungdan nadakpan sa mga pulis ang unom ka mga suspetsado nga nagsabong alas 9:45 kagabii nahitabo sa Barangay 76-A Bucana ning dakbayan.
Mga dinakpan gipang-ila mao sila si Allan Rebusa (46 anyos), usa ka carpenter, Richard Saveron (46 anyos), usa fish vendor, Christopher Rapas (43 anyos), Rubin Rapas (26 anyos), Peejay Rapas (27 anyos) ug Rizal Abdullah (32 anyos), usa ka driver, residente sa Block 5 Deca homes Mintal ning dakbayan.
Atol sa operasyon, nakompiska sa kapulisan ang kuwarta nga gipangpusta nga mokantidad og 250.00 ka pesos lakip ang tulo ka bulang ug usa ka pangsabong nga manok.
Ang unom ka dinakpan mag-atubang og kasong kalapasan sa Republic Act 9287 kun Anti-Illegal Gambling.
Radyoman Don Pulayao
